DIY 保養品篇

除了手工皂之外，Miss K亦開始動手做面部保養品，包括面霜、精華素，凝膠（gel)及卸妝油等。

由於Miss K面部皮膚比較薄和易感敏，有時候沒有任何原因都會泛紅和起紅點，因此自家製保養品成為我的救星。

自家製保養品大致分以水為基礎或油為基礎。

精華素及凝膠以水為基礎，不含任何油份，多採用純水或花水，質地比較清爽、保濕。

面霜則多以油份為基礎，很多種油份都有很好的滋潤成效，但當然較油潤。

由於是塗於面上的產品，盡量都不會添加防腐成份，因此自家製保養品壽命大約一個月，最多三個月。要注意儲存時避免日晒或溫差太大的地方，否則自家製保養品會很易變壞。

今日Miss K用了玫瑰花水、接骨木花、玫瑰花粹取液（即extract）做了一個保濕凝膠（gel），眼部及面部均可。要留意，可用於眼部的可適用於面部，但相反的卻未必可以，要小心！

除了成份天然，還充滿真正的玫瑰花香！

Miss K's 手工皂 DIY- 前言

Miss K 的手工皂並不是無師自通, 我是跟隨一個很好的老師去學造手工皂.

雖然市面上有很多書及網頁教大家造手工皂, 但是如果只是當作"嬉戲", 是可以的, 不過如果真的想學懂手工皂的各種特性, 不同的運用, 我想繳交學費是少不免的了, 由基底油到香油的運用都是一門很高深的學問, 眼見很多網上或書本上的配方, 簡直是"存心靠害", 例如用有光敏性的精華油去做面部產品,除非你是有心想將皮膚變黑, 否則真的是"黑得不明不白".

前幾天, 有人想我替他造潤唇膏, 提出想要朱古力味, 听到了之後給我罵了一個狗血噴頭. Miss K 所用的產品未必是最名貴, 但一定是有益的. 為了香味而加沒有任何用處朱古力味香料, 簡直褻瀆了手工製作的真正意義!!!!

My DIY

其實，我相信一句說話，呢個世界無醜女人，只有懶女人。


以前青春無敵，從來都唔係好注意保養。但由於 Miss K 本身係一個好易敏感的人，曾經對蝦、旦、牛肉，連萍果都敏感，所以很少去試新的美容產品，一切有色素、香料嘅嘢我都會中招。


但十年前試過皮膚發炎，塊面生左好多小紅瘡，唔似青春豆會謝，一粒生完又一粒，簡直可以用爛面黎形容。前後有半年，中西醫都試過，先慢慢好番。


不幸嘅事又喺舊年冬天發生，爛面番發，仲要個身都有！因為今次有紅有痕，於是睇左西醫，第一個醫生開左類固醇比我，之後塊面就甩皮，攪到我要帶mask 先敢出街。後來轉左醫生先好番，而醫生亦同我講，因為皮膚唔夠健康，一遇到會令我敏感嘅嘢都會番發，即使一直用開無事，都可能會出事。


由於我真係唔想再爛面，開始用手工皂及有機產品，但係出街買真係好貴，一舊手工皂50蚊用一個月唔夠，人地homemade都得，咁點解我自己唔得呢？於是我就立下決心，自己DIY！


而家我識DIY手工皂、液體皂，潤唇膏、紫草膏、晚霜、眼霜、手霜、卸妝油...暫時自己用咁耐都無出過事，有啲比左朋友用都未有人有問題㗎。


為左令大家明白DlY有幾easy，我會將我學左嘅喺呢個Blog同大家分享！